मोठी बातमी l लोणावळ्यात एमडी ड्रग्जीची मोठी कारवाई; वलवण येथील नीता इन हॉटेल परिसरात २.९१ लाखांचा मुद्देमाल जप्त

लोणावळा : पुणे ग्रामीण पोलिसांच्या स्थानिक गुन्हे अन्वेषण शाखेने लोणावळा परिसरात कारवाई करत एमडी ड्रग्ज बाळगल्याप्रकरणी मुंबईतील ३३ वर्षीय तरुणाला ताब्यात घेतले. शाहरुख आतिख शेख (वय ३३, रा. रॉयल हाऊसिंग सोसायटी, म्हाडा कॉलनी, शिवाजीनगर, गोवंडी, मुंबई) असे त्याचे नाव आहे. त्याच्याकडून २४.१९ ग्रॅम एमडी पावडर, मोबाईल फोन आणि अन्य मुद्देमालासह एकूण २ लाख ९१ हजार ९०० रुपये किमतीचा मुद्देमाल जप्त करण्यात आला. शनिवार, दि. २४ ऑक्टोबर २०२६ रोजी रात्री सुमारे १०.२० वाजता स्थानिक गुन्हे शाखेचे पथक लोणावळा शहर पोलीस ठाण्याच्या हद्दीत गस्त घालत होते. यावेळी लोणावळा शहरातील वलवण गावात नीता इन हॉटेलजवळ, मगनलाल चिक्कीच्या दुकानाशेजारी शाहरुख शेख हा बजाज सीटी १०० दुचाकीवर (क्रमांक MH03DY7271) थांबलेला आढळला. त्याची तपासणी केली असता, त्याच्याकडे प्लास्टिकच्या पिशवीत एमडी पावडर आढळून आली. या प्रकरणी लोणावळा शहर पोलीस ठाण्यात अमली पदार्थ आणि मनःप्रभावी पदार्थ अधिनियमाच्या (NDPS Act) कलम ८(क) व २२(ब) अंतर्गत गुन्हा दाखल करण्यात आला आहे. जप्त केलेला अंमली पदार्थ कुठून आणला आणि त्याचा पुरवठा कोणी केला, याचा तपास पोलिसांकडून सुरू आहे. ही कारवाई पुणे ग्रामीणचे पोलीस अधीक्षक संदीपसिंह गिल, अपर पोलीस अधीक्षक शुभम कुमार आणि मावळचे उपविभागीय पोलीस अधिकारी गजानन टोंपे यांच्या मार्गदर्शनाखाली करण्यात आली. स्थानिक गुन्हे शाखेचे पोलीस निरीक्षक प्रमोद क्षीरसागर, लोणावळा शहर पोलीस ठाण्याचे पोलीस निरीक्षक महेश विधाते यांच्या मार्गदर्शनाखाली पोलीस उपनिरीक्षक अभिजीत सावंत, ग्रेड पोलीस उपनिरीक्षक विनोद भोकरे, पोलीस हवालदार संतोष शेळके, सागर नामदास, गणेश होळकर, गणेश धनवे, सिद्धेश्वर पाटील, तुषार भोईटे तसेच लोणावळा शहर पोलीस ठाण्याचे पोलीस उपनिरीक्षक प्रवीण लोकरे, पोलीस हवालदार सतीश घोंगडे, संदीप मानकर आणि पोलीस शिपाई श्रीराम बोराडे यांनी या कारवाईत सहभाग घेतला.

Accident News l लोणावळा कुणेगाव हद्दीत रस्ते अपघातात दुचाकी चालकाचा जागीच मृत्यू

लोणावळा ग्रामीण पोलिसांची मोठी कारवाई; २६ वर्षांपासून खुनाच्या गुन्ह्यात फरार असलेला आरोपी पवनानगरमधून जेरबंद

Lonavala News l लोणावळ्यात दोन व्यक्तींचा एकमेकांवर चाकू हल्ला; हल्ल्याची घटना कॅमेरात कैद

स्व. पंढरीनाथ हरिभाऊ सातकर यांच्या जयंतीनिमित्त १५० विद्यार्थ्यांना शिष्यवृत्ती पुस्तकसंचांचे वाटप

लोणावळा : शिक्षणातून प्रगतीचा ध्यास घेत विद्यार्थ्यांच्या उज्ज्वल भविष्यासाठी स्व. पंढरीनाथ हरिभाऊ सातकर प्रतिष्ठान, मावळ यांच्या वतीने स्व. पंढरीनाथ हरिभाऊ सातकर यांच्या जयंतीनिमित्त पीएम श्री आदर्श जिल्हा परिषद प्राथमिक केंद्र शाळा, कान्हे येथे शैक्षणिक उपक्रमाचे आयोजन करण्यात आले. या उपक्रमांतर्गत इयत्ता चौथी व सातवीच्या एकूण १५० विद्यार्थ्यांना शिष्यवृत्ती परीक्षेच्या तयारीसाठी पुस्तकसंचांचे वाटप करण्यात आले.    विद्यार्थ्यांची शैक्षणिक प्रगती साधणे, त्यांना स्पर्धात्मक परीक्षांसाठी योग्य मार्गदर्शन व तयारीची संधी उपलब्ध करून देणे आणि त्यांच्या ज्ञानाच्या कक्षा व्यापक करणे, हा या उपक्रमामागील मुख्य उद्देश होता. विद्यार्थ्यांच्या हातात पुस्तके देऊन त्यांच्या स्वप्नांना बळ देण्याचा प्रतिष्ठानचा हा प्रयत्न उपस्थितांकडून कौतुकास्पद ठरला.    या कार्यक्रमास माथाडी कामगार नेते तथा प्रतिष्ठानचे सर्वेसर्वा पै. किशोरशेठ पंढरीनाथ सातकर, गटशिक्षण अधिकारी श्रीमती शिल्पा रोडगे, शिक्षणविस्तार अधिकारी श्री. सुदाम वाळुंज सर, केंद्रप्रमुख सौ. निर्मला काळे, प्रतिष्ठानचे संस्थापक अध्यक्ष श्री. विकास मधुकर सातकर, खजिनदार व युवा उद्योजक श्री. अमोल पंढरीनाथ सातकर, शालेय शिक्षण समितीचे अध्यक्ष श्री. प्रसाद गंगाराम सातकर, राष्ट्रवादी विद्यार्थी अध्यक्ष श्री. सुशांत दिलीप बालगुडे आणि शाळेच्या मुख्याध्यापिका कु. सुकेशिनी कोले मॅडम उपस्थित होते.     यावेळी सर्व शिक्षक वृंद कान्हे, समिती सदस्य, प्रतिष्ठानचे सर्व सदस्य व माथाडी कामगार बहुसंख्येने उपस्थित होते. कार्यक्रमाचे प्रास्ताविक सुकेशिनी कोले यांनी केले. सूत्रसंचालन सुहास धस यांनी केले, तर आभार प्रदर्शन निर्मला काळे यांनी मानले.     स्व. पंढरीनाथ हरिभाऊ सातकर यांच्या स्मृती जपत शिक्षणाच्या माध्यमातून समाजातील भावी पिढी घडविण्याचा प्रतिष्ठानचा हा उपक्रम सामाजिक बांधिलकी जपणारा आहे. विद्यार्थ्यांच्या शैक्षणिक उन्नतीसाठी असे उपक्रम प्रेरणादायी असून, “सेवा, संस्कार आणि शिक्षण हाच प्रगतीचा खरा मार्ग” हा संदेश या कार्यक्रमातून देण्यात आला.

मावळ तालुक्यातील भाजे गावात डोंगर गायरान जमिनीच्या खरेदी-विक्रीचा प्रकार उघड; 9 जणांवर गुन्हा दाखल - ग्रामस्थांचे २९ ऑक्टोबरपासून आमरण उपोषणाचा इशारा

मावळ तालुक्यातील सात हजार विद्यार्थ्यांच्या कलागुणांचा झाला गौरव !

मावळ तालुक्यातील देवले गावात सापडला 12 फुटी अजगर

मुसळधार पावसाच्या पार्श्वभूमीवर पुणे जिल्हा प्रशासनाची सतर्कता; ३० जणांची सुटका, २७० हून अधिक नागरिकांचे सुरक्षित स्थलांतर

पुणे, दि. ६ जुलै : पुणे जिल्ह्यात ५ व ६ जुलै रोजी झालेल्या अतिवृष्टीमुळे काही ठिकाणी दरडी कोसळणे, पूल पाण्याखाली जाणे तसेच रस्ते व रेल्वे वाहतुकीवर परिणाम होण्याच्या घटना घडल्या. प्रादेशिक हवामान विभागाने रेड अलर्ट जारी केल्यानंतर जिल्हा प्रशासनाने तत्काळ सर्व यंत्रणा सज्ज करून महसूल, पोलीस, अग्निशमन दल, एनडीआरएफ, एसडीआरएफ तसेच स्थानिक स्वराज्य संस्थांच्या समन्वयातून युद्धपातळीवर बचाव व मदतकार्य राबविले. या कार्यवाहीत ३० जणांची सुरक्षित सुटका करण्यात आली, तर २७० हून अधिक नागरिकांचे सुरक्षित स्थळी स्थलांतर करण्यात आले. दुर्दैवाने मावळ तालुक्यातील पाटण येथे घरावर दरड कोसळून ३ जणांचा मृत्यू झाला.जिल्ह्यातील २७ महसूल मंडळांमध्ये ६५ मिमीपेक्षा अधिक पाऊस झाला असून मावळ तालुक्यात सर्वाधिक २३७.३ मिमी पर्जन्यमानाची नोंद झाली आहे.मावळ तालुक्यात तळेगाव परिसरात पाण्यात अडकलेल्या कंपनीच्या बसमधील ३० कर्मचाऱ्यांना अग्निशमन दलाने सुरक्षित बाहेर काढले. ताजे गावातील डोंगरपायथ्यावरील सुमारे २५० नागरिकांचे सुरक्षित ठिकाणी स्थलांतर करण्यात आले. मुंबई–पुणे द्रुतगती मार्गावरील मिसिंग लिंक परिसर तसेच लोणावळा–कर्जत रेल्वेमार्गावरील दरडी हटविण्याचे काम युद्धपातळीवर सुरू असून वाहतूक पूर्ववत करण्यासाठी संबंधित यंत्रणा सातत्याने कार्यरत आहेत.हवेली तालुक्यातील भावडी येथे पाच कुटुंबांतील २२ ते २४ नागरिकांना सुरक्षित स्थळी हलविण्यात आले. देहू, आळंदी आणि इतर पूरग्रस्त भागांमध्ये नागरिकांच्या सुरक्षेला प्राधान्य देत पूल व धोकादायक मार्ग तात्पुरते बंद करण्यात आले. आळंदी येथे इंद्रायणी नदीच्या वाढत्या पाणीपातळीमुळे मंदिर परिसर आणि धर्मशाळांमधील भाविकांना सुरक्षित स्थळी हलविण्यात आले. Bमुळशी, भोर, वेल्हे, खेड, पुरंदर तसेच इतर तालुक्यांमध्ये दरडी कोसळलेल्या ठिकाणी तातडीने यंत्रणा पाठवून दगड-माती हटविणे, रस्ते खुले करणे, बॅरिकेडिंग करणे आणि धोकादायक भागातील नागरिकांचे स्थलांतर करण्याची कार्यवाही करण्यात आली. अनेक ठिकाणी संभाव्य धोका ओळखून वाहतूक बंद करण्यात आल्याने मोठ्या दुर्घटना टाळण्यात प्रशासनाला यश आले. पुणे शहरातील सदाशिव पेठेतील धोकादायक इमारत तातडीने रिकामी करण्यात आली. पिंपरी-चिंचवड व शिरूर येथील घटनांमध्येही संबंधित यंत्रणांनी तत्काळ प्रतिसाद देत मदतकार्य सुरू केले असून बेपत्ता व्यक्तींचा शोध सुरू आहे.मुख्यमंत्री, उपमुख्यमंत्री तथा पालकमंत्री यांनी घेतला परिस्थितीचा आढावा; प्रशासनाला सतर्क राहण्याचे निर्देशमुख्यमंत्री देवेंद्र फडणवीस यांनी दूरदृश्य प्रणालीद्वारे पुणे जिल्ह्यातील अतिवृष्टीच्या परिस्थितीचा आढावा घेऊन जिल्हाधिकाऱ्यांकडून सविस्तर माहिती घेत आवश्यक त्या सूचना दिल्या. उपमुख्यमंत्री तथा पालकमंत्री सुनेत्रा अजित पवार यांनीही जिल्ह्यातील प्रत्येक घडामोडीची सातत्याने माहिती घेत संबंधित यंत्रणांच्या अधिकाऱ्यांशी दूरध्वनीद्वारे संपर्क साधून आवश्यक सूचना दिल्या तसेच पुढील दिवशीही पूर्ण सतर्कता बाळगण्याचे निर्देश दिले.  जिल्हाधिकारी जितेंद्र डुडी यांनी दिवसभर सर्व तालुक्यांतील परिस्थितीचा सातत्याने आढावा घेत महसूल, पोलीस, आपत्ती व्यवस्थापन तसेच इतर संबंधित यंत्रणांमध्ये समन्वय साधून बचाव व मदतकार्य प्रभावीपणे राबविण्याच्या सूचना दिल्या. जिल्हाधिकारी यांच्या मार्गदर्शनाखाली जिल्हा प्रशासनाची सर्व यंत्रणा २४ तास कार्यरत असून परिस्थितीवर सातत्याने लक्ष ठेवण्यात येत आहे. नागरिकांनी अफवांवर विश्वास न ठेवता केवळ अधिकृत माहितीवर विश्वास ठेवावा, अनावश्यक प्रवास टाळावा आणि प्रशासनाच्या सूचनांचे काटेकोर पालन करावे, असे आवाहन जिल्हा प्रशासनाने केले आहे.

मोठी बातमी l भिकमुक्त पुणे जिल्हा मोहिमेचा राज्यस्तरीय निर्धार; भीक मागणाऱ्यांचे होणार पुनर्वसन

मराठी पत्रकार संघाच्या राज्यस्तरीय महाअधिवेशनात मोठी घोषणा; सर्व जिल्ह्यांत पत्रकार भवनासाठी जागा देणार - मंत्री चंद्रशेखर बावनकुळे

सूक्ष्म योगा फाउंडेशनचे पंकज शर्मा यांना आदर्श महाराष्ट्र रत्न पुरस्कार २०२६ प्रदान