मोठी कारवाई l लोणावळा ग्रामीण पोलिसांची मोठी कारवाई: 57 हजार किलो गोमांस जप्त, दोन कंटेनर ताब्यात

लोणावळा : लोणावळा ग्रामीण पोलिसांनी मोठी कारवाई करत तब्बल 57 हजार किलो गोमांस जप्त केले आहे. मुंबई-पुणे एक्सप्रेस वेवर संशयास्पद वाटणारे दोन कंटेनर पोलिसांनी ताब्यात घेतले होते. 25 मार्चच्या मध्यरात्री करण्यात आलेल्या या कारवाईत गोरक्षक संघटनांचाही सहभाग होता. तपासणी अहवालानंतर सदर मास गोमांस असल्याचे स्पष्ट झाले, त्यानंतर पोलिसांनी गुन्हा दाखल केला आहे.कसे पकडले गेले कंटेनर?मुंबई पुणे एक्सप्रेस वे वरून दोन एसी कंटेनर संशयास्पद येत असून त्यामध्ये गोवंशीय मास असल्याचा संशय पुण्यातील एका गोरक्षकाने लोणावळा ग्रामीण पोलिसांना संपर्क साधत व्यक्त केला होता. त्या माहितीच्या आधारे लोणावळा ग्रामीण पोलीस स्टेशनच्या हद्दीत मुंबई-पुणे एक्सप्रेस वेवर दोन कंटेनर संशयास्पदरित्या आढळून आले. त्यामध्ये मोठ्या प्रमाणात जनावरांचे मांस असल्याची शक्यता व्यक्त करण्यात आली. स्थानिक गोरक्षक संघटनांनी तातडीने पोलिसांना माहिती दिली. त्यानंतर पोलिसांनी दोन्ही कंटेनर ताब्यात घेतले. प्राथमिक टप्प्यात वाहतूकदारांनी ते म्हशीचे मांस असल्याचे सांगितले आणि आवश्यक कागदपत्रे दाखवली, मात्र गोरक्षक संघटनांनी यावर आक्षेप घेतला आणि मांसाच्या प्रयोगशाळा तपासणीची मागणी केली. पोलिसांनी दोन्ही कंटेनरमधील मांसाचे नमुने प्रयोगशाळेत तपासणीसाठी पाठवले. 29 मार्च रोजी प्राप्त झालेल्या अहवालानुसार, हे मांस गोवंशीय असल्याचे स्पष्ट झाले. त्यानंतर लोणावळा ग्रामीण पोलीस ठाण्यात संबंधितांवर गुन्हा दाखल करण्यात आला.कोण आहेत आरोपी?लोणावळा ग्रामीण पोलीस उपनिरीक्षक प्रकाश वाघमारे यांनी फिर्याद नोंदवली असून, कंटेनर क्रमांक MH 46 BM 9180 आणि MH 46 CU 9966 व चालक नदीम कलीम अहमद आणि नसीर मोहंमद अहमद (दोघेही राहणार न्हावाशेवा, नवी मुंबई) यांना पोलिसांनी ताब्यात घेतले आहेत. ही वाहतूक मे. एशियन फूड्स मीन अँग्रो (न्यू भोईबुडा, सिकंदराबाद, हैदराबाद) या कंपनीच्या आदेशाने होत असल्याचे समोर आले आहे. कंपनीचे मालक मोहम्मद सादिक कुरेशी यांच्यासह इतरांवर गुन्हा दाखल करण्यात आला आहे.      लोणावळा ग्रामीण पोलीस निरीक्षक किशोर धुमाळ यांनी सांगितले की, "गोमांस वाहतुकीबाबत कडक कारवाई करण्यात येईल आणि पुढील तपास सुरू आहे." हा प्रकार समोर आल्यानंतर स्थानिक गोरक्षक संघटनांनी पोलिसांचे आभार मानत कठोर कारवाईची मागणी केली आहे. या घटनेमुळे राज्यभरात गोमांस तस्करीचा प्रश्न ऐरणीवर आला आहे आणि कायद्याच्या अंमलबजावणीसाठी अधिक सतर्कता बाळगण्याची गरज व्यक्त केली जात आहे. यामध्ये सर्व गोरक्षक, गोसेवक, पोलीस प्रशासन, हिंदुत्ववादी संघटना, हिंदु राष्ट्र सेना, बजरंग दल, विश्व हिंदू परिषद, राष्ट्रीय स्वयंसेवक संघ, गोसेवा आयोग, प्राणी कल्याण अधिकारी कमिटी, हिंदु समिती लोणावळा व ग्रामीण परिसर, सर्व पक्षांचे पदाधिकारी, खोपोली येथील गोरक्षक, व सर्व सामान्य नागरिक, पोलीस प्रशासन यांच्या एकजुटीमुळे ही मोठी कारवाई झाली असल्याने लोणावळ्यातील गोरक्षक सदस्यांनी सर्वांचे आभार मानले आहे.

प्रसिद्ध अभिनेते आरमान कोहली यांच्या लोणावळ्यातील बंगल्यात चोरी; बारा तोळ्याची चैन व एक लाख रुपये लंपास

Lonavala News l लोणावळ्यात शाळकरी मुलीचे अपहरण करण्याचा प्रयत्न; आरोपी अटकेत

ऑनलाइन जुगारासाठी 9 लाखांची चोरी; लोणावळ्यातील घटनेतील आरोपी लातूरहून अटकेत

Shree Ekvira Devi Yatra l गुढीपाडव्यापासून आई एकवीरा देवीच्या चैत्री यात्रेला भव्य सुरुवात

मावळ माझा न्युज नेटवर्क │ महाराष्ट्राचे आराध्य दैवत आणि जागृत स्थान असलेल्या वेहेरगाव/कार्ला गडावरील आई एकवीरा देवीच्या चैत्री यात्रेला 30 मार्च, गुढीपाडव्यापासून प्रारंभ होणार आहे. ही यात्रा चैत्र पौर्णिमा, 12 एप्रिलपर्यंत सुरू राहणार आहे.यात्रेतील प्रमुख सोहळे आणि मानाचे दिवस3 एप्रिल (चैत्र शुद्ध षष्ठी) – रात्री 8 वाजता देवीच्या माहेरगावी, देवघर येथे श्री काळ भैरवनाथ महाराज यांच्या भव्य पालखी मिरवणुकीचे आयोजन.4 एप्रिल (चैत्र शुद्ध सप्तमी) – सायंकाळी 7 वाजता गडावर देवीच्या भव्य पालखी मिरवणुकीचा सोहळा.5 एप्रिल (चैत्र शुद्ध अष्टमी) – पहाटे 4 वाजता गर्भगृहात तेलवनाचा कार्यक्रम व त्यानंतर मंदिराबाहेर मानाचा कार्यक्रम. या कार्यक्रमाला मान्यवर, श्री एकविरा देवस्थान ट्रस्टचे अध्यक्ष व सर्व विश्वस्त उपस्थित राहणार.6 एप्रिल (चैत्र शुद्ध नवमी) – श्री राम नवमी उत्सव.12 एप्रिल (चैत्र पौर्णिमा) – श्री ढाक येथील भैरवनाथ, श्री काळभैरवनाथ (देवघर) आणि श्री भैरवनाथ (वेहेरगाव) यांच्या काठी पालखी सोहळा गडावर संपन्न होणार.दरवर्षी राज्यभरातून आणि इतर राज्यांतून लाखो भाविक यात्रेसाठी उपस्थित राहतात. सप्तमीच्या दिवशी होणाऱ्या पालखी मिरवणुकीस हजारो भाविक गडावर येतात. दर्शनासाठी श्री एकविरा देवस्थान ट्रस्टने विशेष नियोजन केले आहे. विस्तृत दर्शन रांगा लावण्यात येणार असून, गर्दी टाळण्यासाठी गडावर, वाहनतळ परिसरात आणि पायथ्याशी मोठ्या स्क्रीन बसवण्यात येणार आहेत, ज्या द्वारे भाविकांना गर्भगृहाचे थेट दर्शन मिळेल.गडावरील सुविधा आणि स्वच्छता व्यवस्थागडाच्या पायऱ्यांची दुरुस्ती, वाहनतळ आणि नागरखाना यांची कामे सुरू असून, भाविकांना कोणत्याही गैरसोयीचा सामना करावा लागू नये यासाठी विशेष खबरदारी घेतली आहे.स्वच्छतेसाठी वेहेरगाव ग्रामपंचायतीने अतिरिक्त कर्मचारी नियुक्त केले आहेत.गडावर आणि परिसरातील विहिरींमध्ये पुरेसे पाणी उपलब्ध करून देण्यात आले आहे.पिण्याच्या पाण्याची आणि स्वच्छतागृहांची योग्य व्यवस्था करण्यात आली आहे.सुरक्षा आणि वाहतूक व्यवस्थापनलोणावळा ग्रामीण पोलीस निरीक्षक किशोर धुमाळ यांनी सांगितले की, यात्रेच्या सुरळीत पार पडण्यासाठी कडेकोट पोलीस बंदोबस्त ठेवण्यात येईल. पुणे मुख्यालयातून मोठ्या प्रमाणात अतिरिक्त बंदोबस्त मागवण्यात आला आहे.भाविकांची गर्दी नियंत्रित करण्यासाठी हार-फुलांच्या दुकानांना मागे हलवण्यात आले आहे, जेणेकरून पायऱ्या मोकळ्या राहतील.कार्ला फाटा ते गडपायथा दरम्यान जड वाहनांना पूर्णतः बंदी असेल.भाविकांना गडावर फटाके नेण्यास मज्जाव करण्यात आला असून, शोभेचे आणि रंगांचे फटाके नेण्यासही बंदी घालण्यात आली आहे.श्री एकविरा देवस्थान ट्रस्ट, लोणावळा ग्रामीण पोलीस स्टेशन आणि वेहेरगाव ग्रामपंचायत यांच्या संयुक्त विद्यमाने यात्रेच्या यशस्वी आयोजनासाठी सर्व तयारी पूर्ण झाली आहे.ही चैत्री यात्रा धार्मिक उत्साहाने साजरी करण्यासाठी प्रशासन आणि भाविक संपूर्ण तयारीत असून, आई एकवीरा देवीच्या दर्शनाचा लाभ लाखो भक्तांना मिळणार आहे. श्री एकविरा देवस्थान ट्रस्टचे अध्यक्ष दीपक हुलावळे, वरिष्ठ उपाध्यक्ष मारुती देशमुख, उपाध्यक्ष सागर देवकर, सचिव नवनाथ रामचंद्र देशमुख, खजिनदार संजय गोविलकर, सह खजिनदार विकास पडवळ यांनी देवस्थानच्या वतीने माहिती दिली तर वेहेरगाव ग्रामपंचायत च्या वतीने अशोक पडवळ यांनी माहिती दिली.

कार्ला परिसरातील शालेय विद्यार्थ्यांसाठी जेई प्रतिबंधात्मक लसीकरण मोहीम संपन्न; 15 वर्षांपर्यंतच्या बालकांचा समावेश

"दिशा" संस्थेचा रौप्य महोत्सव उत्साहात संपन्न

श्री एकविरा देवी चैत्री उत्सव 2025 च्या पार्श्वभूमीवर गड परिसरात प्रतिबंधात्मक आदेश लागू

आळंदी शहरात नियमित पाणी पुरवठ्यासाठी उपाय योजना करा - दिनेश घुले

आळंदी (अर्जुन मेदनकर) : येथील आळंदी नगरपरिषद शहरास पिण्याचे पाणी पुरवठा करीत असून भामा आसखेड कुरुळी टँपिंग मधून आळंदीस मंजूर 10 एम.एल.डी कोठ्यातून सध्या 7 एम.एल.डी. पाणी उचलत आहे. वास्तविक आळंदीचा मंजूर कोठा 10 एम.एल.डी असताना तसेच पाण्याची प्रचंड मागणी असताना पाणी कमी उचलले जाते यातून आळंदीकरांत नाराजी आहे. आळंदीला नियमित पाणी पुरवठ्यास दोन स्वतंत्र पाईप लाईनसह पम्पिंग आणि साठवण टाक्यां उपाय योजने अंतर्गत तातडीने विकसित करण्याची मागणी माजी नगरसेवक दिनेश घुले यांनी केली आहे.        या संदर्भात माजी नगरसेवक घुले यांनी आळंदी नगरपरिषदेस निवेदन देवून लक्ष वेधले आहे. आळंदी शहरास पिण्याचे पाणी गोपाळपुरातील पाणी पुरवठा केंद्रातून शुद्धीकरण केले जाते. येथून ते आळंदी हवेली येथील डोंगरा वरून पुन्हा आळंदी हवेली आणि आळंदी खेड येथील जलकुंभ भरत आळंदी शहरास देत असताना पाणी पुरवठा विलंबाने होतो. नागरिकांना नियमित पुरेशा प्रमाणात आणि उच्च दाबाने नियमित, रोज पाणी पुरवठा करण्याची मागणी करण्यात आली आहे.          यासाठी आळंदीत पाणी साठवण क्षमता वाढीसाठी दोन पाणी साठवण टाक्या, दोन जलकुंभ तात्काळ विकसित करण्याची आत्यानी व्यक्त केली आहे. पाणी शुद्धीकरणा नंतर ते आळंदी हवेली आणि आळंदी खेड यांना एकाच वेळी वितरित करण्यासाठी दोन स्वतंत्र तसेच पम्पिंग आणि स्वतंत्र जलनलिका पाईप लाईन चे काम हाती घेऊन प्राधान्याने जुनी जलशुद्धीकरण यंत्रणा, पम्पिंग व्यवस्था देखभाल दुरुस्ती करून वापर योग्य झाल्यास शहरास पाणी पुरवठा सुरळीत होईल असे त्यांनी सांगितले. यामुळे आळंदी खेड आणि आळंदी हवेली या भागात एकाच वेळी पाणी पुरवठा होऊन झोन देखील कमी होऊन नागरिकांना रात्री अपरात्री, उशीरा होणारा पाणी पुरवठा वेळेत तसेच विनाविलंब होण्यासाठी मागणी प्रमाणे तात्काळ उपाय योजना व्हाव्यात असे साकडे आळंदीकरांचे वतीने माजी नगरसेवक घुले यांनी नगरपरिषद मुख्याधिकारी यांना निवेदन देऊन घातले आहे.        प्रभाग क्रमांक 8 साठी पाण्याची आणि सांडपाणी ड्रेनेज लाईनची मागणी  येथील प्रभाग क्रमांक 8 मधील नागरी सुविधा अभावी गैरसोय होत असल्याने हिंदवी कॉलनी क्रमांक 1 मध्ये पिण्याचे पाण्याची पाईप लाईन मागणी करण्यात आली आहे. नियमित पुरेशा दाबाने पाणी पुरवठा व्हावा यासाठी नवीन 3 इंची पिण्याचे पाण्याची लाईन नागरिकांचे सोयी साठी विकसित करून डोंगरा वरील नागरिकांना दिलासा देण्याची गरज त्यांनी व्यक्त केली आहे. याच प्रभागात साखरे महाराज पेट्रोल पंप ते देहू फाटा गजानन महाराज मंदिर समोरून लहान ड्रेनेज  असल्याने पाणी सतत रस्त्यावर येऊन नागरिकांना गैरसोय होत आहे. घाण पाण्यातुन चालावे लागते. या मुळे नागरिकांत नाराजी वाढली आहे. यासाठी 2 फूट व्यास रुंदीची ड्रेनेज लाईन टाकल्यास ड्रेनेज तुंबून घाणीचे साम्राज्य दूर होण्यासाठी प्राधान्याने विकास कामे हाती घ्यावीत. अशी मागणी करीत प्रशासनांस खणखणत इशारा देत कामे न झाल्यास याच मागण्यांसाठी तीव्र आंदोलन छेडले जाईल असे घुले यांनी सांगितले. देहू आळंदी रस्त्यावरील ड्रेनेज लाईंनचे काम तात्काळ हाती घेण्याची मागणी सामाजिक कार्यकर्ते रोहिदास कदम यांनी सांगितले. वारकरी भाविक या भागातून अनवाणी पायाने ये जा करीत असतात. मात्र सांडपाणी रस्त्यावर येत असल्याने नागरिकांची गैरसोय होत आहे.

आरोग्य कर्मचाऱ्यांच्या जीवनावर प्रकाश टाकणाऱ्या "अवकारीका" चित्रपटाच्या पोस्टरचे अनावरण

Pune - Lonavala Local Train l पुणे-लोणावळा लोकल सेवेच्या 47 वर्षांचा प्रवास : प्रगती आणि पुढील वाटचाल

सन्मान कर्तव्यनिष्ठतेचा l गावात दरोडा टाकलेल्या दरोडेखोरांना पकडणाऱ्या पोलिसांचा ग्रामस्थांकडून सन्मान