Lonavala Rain Information : लोणावळ्यात मागील 24 तासात 130 मिमी पाऊस; पुढील चार दिवस मुसळधार पावसाचा अंदाज

लोणावळा : लोणावळा शहरात सोमवारी (8 ऑगस्ट) 24 तासात 130 मिमी (5.12 इंच) पावसाची नोंद झाली आहे. दहा बारा दिवस पावसाने चांगली उघडीप दिली होता. आता मात्र पावसाचा जोर वाढला असून पुणे जिल्ह्याच्या घाटमाथ्यावर पुढील पाच दिवस मुसळधार पावसाची शक्यता कुलाबा वेधशाळेने वर्तवली आहे. सध्या सुरु असलेल्या पावसासोबत जोरदार वारे वहात असल्याने झाडे तुटणे, पडणे, विजेच्या तारा, खांब तुटणे, पडणे असे प्रकार होण्याची शक्यता असल्याने नागरिकांनी काळजी घ्यावी असे आवाहन प्रशासनाकडून करण्यात येत आहे. लोणावळा शहरात यावर्षी आजपर्यंत 3190 मिमी (125.59 इंच) पावसाची नोंद झाली आहे. मागील वर्षी आजपर्यंत 3367 मिमी (132.56 इंच) पाऊस झाला होता. मागील दहा बारा दिवस लोणावळा व परिसरात ऑक्टोबर हिटप्रमाणे कडक ऊन पडले होते. आता मात्र ऐन रक्षाबंधन, हदीहंडी या सणांच्या कालावधीमध्ये जोरदार पावसाची शक्यता आहे.