श्री एकविरा देवी चैत्री उत्सव 2025 l वाहतूक बदलाबाबत जिल्हाधिकाऱ्यांचे आदेश जारी
पुणे : मावळ तालुक्यातील वेहेरगाव/ कार्ला येथील श्री एकविरा देवी चैत्री उत्सव 4 एप्रिल 2025 रोजी सुरू होत आहे. या पार्श्वभूमीवर जुन्या मुंबई-पुणे महामार्गावर जड आणि अवजड वाहनांसाठी वाहतूक निर्बंध लागू करण्यात आले असून, पर्यायी मार्गाची व्यवस्था करण्यात आली आहे. जिल्हाधिकारी जितेंद्र डूडी यांनी यासंबंधी आदेश जारी केले आहेत.
वाहतूक बदल आणि निर्बंध :
✔ कार्ला फाटा ते श्री एकविरा देवी मंदिर पायथा:
➡ या मार्गावर पूर्णवेळ अवजड आणि मोठ्या वाहनांना प्रवेश बंद (नो एंट्री) राहणार आहे.
✔ जुना मुंबई-पुणे आणि पुणे-मुंबई महामार्ग:
➡ १२.०१ मध्यरात्री ते रात्री १२.०० पर्यंत जड आणि अवजड वाहनांसाठी प्रवेश बंद राहील.
➡ कुसगाव बुद्रुक टोलनाका (लोणावळा) ते वडगाव फाटा आणि वडगाव मावळ पर्यंत जड वाहनांना बंदी असेल.
पर्यायी मार्ग :
✔ पुण्याकडे जाणारी जड आणि अवजड वाहने :
➡ लोणावळा येथील कुसगाव बुद्रुक टोलनाका मार्गे एक्सप्रेस हायवेने उर्से टोलनाक्याद्वारे पुण्याकडे वळविली जातील.
✔ मुंबईकडे जाणारी जड आणि अवजड वाहने:
➡ वडगाव येथील तळेगाव फाटा मार्गे उर्से खिंडीतून मुंबईकडे द्रुतगती महामार्गावर वळविण्यात येतील.
नागरिकांना सहकार्य करण्याचे आवाहन
जिल्हाधिकारी जितेंद्र डूडी यांनी भाविक आणि प्रवाशांना वाहतूक बदलाची नोंद घेऊन सहकार्य करण्याचे आवाहन केले आहे, जेणेकरून श्री एकविरा देवी उत्सव काळातील वाहतूक व्यवस्थापन सुरळीत राहील.
