मोठी बातमी | लोणावळा ग्रामीण पोलिसांची धडाकेबाज कामगिरी; गांजाचे सेवन केलेल्या 11 जणांवर गुन्हा दाखल

लोणावळा : संकल्प नशामुक्ती अभियानांतर्गत पुणे ग्रामीणचे पोलीस अधीक्षक अंकित गोयल यांच्या मार्गदर्शनाखाली व सहायक पोलीस अधीक्षक सत्यसाई कार्तीक उपविभागीय पोलीस अधिकारी लोणावळा यांच्या संकल्पनेतून लोणावळा ग्रामीण पोलिसांनी 22 ऑगस्ट रोजी गांजाचे सेवन करणार्‍या 11 लोकांच्या एन.डी.पी.एस. कलमाखाली गुन्हे दाखल केला. वडगाव मावळ न्यायालयासमोर त्यांना हजर केले असता न्यायालयाने त्यांना दंड व दंड न भरल्यास 15 दिवस साधी कैद अशी शिक्षा सुनावली आहे.

     यापूर्वी लोणावळा ग्रामीण पोलीस ठाण्याच्या हद्दीमध्ये अशा प्रकारच्या 4 केसेस करण्यात आल्या आहेत. त्यामध्ये गांजाची वाहतूक व विक्री बाबत धडक कारवाई करीत 20 किलो गांजा व वाहतूक करणारी दोन वाहने जप्त करण्यात आली आहेत. यापुढेही गांजा वाहतूक व विक्री करण्याऱ्या तसेच गांजा सेवन करणारे लोकांची माहिती मिळवून अशाप्रकारे विशेष पथके नेमून कारवाई करणार असल्याबाबत पोलीस निरीक्षक किशोर धुमाळ यांनी सांगितले.

     सदरची कामगीरी ही पोलीस अधीक्षक डॉ. अंकीत गोयल, अपर पोलीस अधीक्षक मितेश गट्टे, सहा. पोलीस अधीक्षक सत्यसाई कार्तीक यांच्या मार्गदर्शनाखाली पोलीस निरीक्षक किशोर धुमाळ, लोणावळा ग्रामीण पोलीस स्टेशन, सहा. पोलीस निरीक्षक किशोर शेवते, सहा. पोलीस निरीक्षक  देविदास करंडे, पोलीस उपनिरीक्षक भारत भोसले, पोलीस उपनिरीक्षक निरीक्षक सागर अरगडे, सहा. पोलीस उपनिरीक्षक युवराज बनसोडे, पो. हवा. जय पवार, पोलीस अंमलदार गणेश होळकर, केतन तळपे, राहुल खैरे, संजय पंडीत, सतीश कुदळे, अमोल गवारे, पोलीस मित्र अमित भदोरीया यांनी केली.