Breaking news

ऑक्झीलियम कॉन्व्हेंट हायस्कूलच्या विद्यार्थ्यांची लोणावळ्यात पर्यावरण जनजागृती रॅली

लोणावळा : पर्यावरण संरक्षण आणि प्लास्टिक बंदीबाबत जनजागृती करण्याच्या उद्देशाने ऑक्झीलियम कॉन्व्हेंट हायस्कूल, रायवूड लोणावळा येथील ग्रीन क्लबच्या विद्यार्थ्यांनी लोणावळा शहरात जनजागृती रॅली काढली होती. या उपक्रमात 50 विद्यार्थी आणि 5 शिक्षकांनी उत्स्फूर्त सहभाग घेतला.

      विद्यार्थ्यांनी आपल्या घरी तयार केलेल्या कापडी पिशव्या दुकानदारांना वाटत प्लास्टिक पिशव्यांच्या वापर न करण्याचे आवाहन केले. रॅलीदरम्यान विद्यार्थ्यांनी पर्यावरण संरक्षणाचे महत्त्व पटवून देणारे घोषवाक्ये दिली आणि नागरीकांमध्ये जागरूकता निर्माण केली. या उपक्रमास लोणावळा नगरपरिषदेच्या स्वच्छ सर्वेक्षण विभागाचे कर्मचारीही सहभागी झाले होते. नंतर सर्व विद्यार्थी नगरपरिषद कार्यालयात एकत्रित जमले, जिथे त्यांनी पर्यावरण विषयक विचार मांडले आणि कापडी पिशव्यांच्या वापराविषयी चर्चा केली. या वेळी विद्यार्थ्यांनी लोणावळा शहर प्लास्टिकमुक्त करण्याची शपथही घेतली.

      कार्यक्रमाला नगरपरिषदेचे उपमुख्याधिकारी शरद कुलकर्णी, प्रशासकीय अधिकारी संतोष खाडे, पत्रकार विशाल पाडाळे, विशाल विकारी, संजय पाटील, सुनिल म्हसके, सागर शिंदे, लेखा विभागाचे लेखापाल निलेश काळे, सहायक ग्रंथपाल विजय लोणकर आणि सिटी कोऑर्डिनेटर विवेक फडतरे उपस्थित होते.

      ऑक्झीलियम हायस्कूलच्या सिस्टर शायनी अल्फोंज यांच्या मार्गदर्शनाखाली सिस्टर ज्युडी गायकवाड, शिक्षिका आसमा निबंर्गी, युनिटा पाट्रो, सीमा खान यांनी रॅलीचे आयोजन केले होते. यामध्ये शाळेच्या 50 विद्यार्थिनी व माजी विद्यार्थिनी ऐश्वर्या पवार हे सहभागी झाले होते.

      या उपक्रमामुळे विद्यार्थ्यांमध्ये पर्यावरण संरक्षणाबद्दल जागरूकता निर्माण झाली असून, लोणावळा शहर प्लास्टिकमुक्त करण्याच्या दिशेने एक महत्त्वाचे पाऊल टाकले गेले.

इतर बातम्या