Lonavala News l लोणावळा शहरात 50 हजार रुपयांची घरफोडी; आरोपी अटकेत

लोणावळा : लोणावळा शहरातील वलवण या ठिकाणी एका बंगल्यात झालेल्या घरफोडी प्रकरणी आरोपीला ताब्यात घेण्यात आली असून त्याच्याकडून चोरीला गेलेला पन्नास हजार रुपयांचा मुद्द्यामात हस्तगत करण्यात आला असल्याची माहिती लोणावळा शहर पोलिसांनी दिले.

     6 जुलै 2025 रोजी लोणावळा शहर पोलीस स्टेशन हद्दीमध्ये वलवण येथील दर्शन व्हॅली सोसायटी मधील बंगल्यामध्ये चोरी झाली असल्याचा गुन्हा नोंदवण्यात आला होता. मनीषा जैन यांनी या प्रकरणी घरपोडीची फिर्याद दिली होती.

      सदर गुन्ह्याचा तपास सुरु असताना वलवण लोणावळा येथील दर्शन व्हॅली सोसायटीतील बंगला नंबर 44 मध्ये सीसीटीव्ही फुटेज पोलिसांनी तपासले असता, त्यात दोन इसम चोरी करत असल्याचे स्पष्ट दिसून आले. त्यानंतर, तपास करणाऱ्या पोलिसांनी स्थानिक बातमीदाराच्या मदतीने आरोपींची ओळख पटवली. ते दोघे वरसोली येथील एका भंगार दुकानात काम करणारे कामगार असल्याचे समोर आले आहे. पोलीस निरीक्षक राजेश रामाघरे यांच्या मार्गदर्शनाखाली सहाय्यक पोलीस निरीक्षक राहुल लाड, सहाय्यक पोलीस उपनिरीक्षक शकील शेख, पोलीस हवालदार देविदास चाखणे, पोलीस कॉन्स्टेबल कमठनकर आणि संजय तिखे यांच्या पथकाने आरोपी विजय दुर्गाप्रसाद गुप्ता (वय 24, राहणार वरसोली, मुळगाव, उत्तर प्रदेश) याला याप्रकरणी ताब्यात घेत अटक केली. आरोपीकडून चोरी केलेला 50 हजार रुपयांचा माल हस्तगत करण्यात आला आहे. पोलीस पुढील तपास करत असून आरोपीविरुद्ध कारवाई करण्यात येत आहे.