Dehu Big News l देहूत साकारली जातेय जगातील सर्वात मोठी पायऱ्यांची विहिर
देहूगाव : जगद्गुरू श्री संत तुकाराम महाराजांच्या कर्मभूमी श्री क्षेत्र देहू येथे जगातील सर्वात मोठी पायऱ्यांची विहिर साकारली जात आहे. या विहिरीच्या कामाला श्री संत तुकाराम महाराज संस्थानचे अध्यक्ष पुरुषोत्तम महाराज मोरे यांच्या हस्ते व अभिनेत्री सोनाली कुलकर्णी यांच्या उपस्थितीत करण्यात आले. त्या युनिसेफ बरोबर महाराष्ट्रीची ब्रॅड ॲम्बेसेडर म्हणून वॉटर कंन्झरवेशन व लॅड रिस्टोरेशन या पर्यावरण संरक्षण क्षेत्रातील प्रकल्पावर काम करीत आहे.
जागतिक पर्यावरण दिनाचे औचित्य साधून जगातील सर्वात मोठ्या पायऱ्यांच्या विहिरीची पायाभरणी करण्यात आली. ही पायऱ्यांची विहिर शाश्वत टाऊनशीप मध्ये साकारली जात आहे. गेल्या 500 वर्षातील अशा प्रकारचा केला गेलेला पहिलाच जलसंधारण प्रयत्न असल्याची माहिती संदीप सोनिग्रा यांनी दिली. प्राचीन जलसंधारण तंत्र व स्थापत्य सौंदर्याचा अनुभव घेण्यासाठी गुजरात आणि राजस्थान मधील पायऱ्यांच्या विहिरीला भेट देत असताना ही संकल्पना सुचली व ही संकल्पना देहू येथे साकारली जाणार आहे. ही विहिर पर्यावरण पुरक प्रकल्प म्हणून आपली ओळख निर्माण करेल. ही विहिर दोन जर्मन विद्यापीठांनी राबवलेल्या ऊर्जा आणि साठवलेल्या पाण्याचा पुनर्रवापर करून हे पाणी परिसरातील निवासी भागासाठी वापरात आणली जाऊ शकेल अशी माहिती संदिप सोनिगरा यांनी दिली.
साधारणतः 90 हजार क्युबिक मीटरच्या आकाराची ही विहीर बांधण्यात येईल. या विहिरीला 4 हजार पाचशे पायऱ्या असणार आहेत. विहिरीलगत निसर्गोपचार केंद्र व ध्यानधारणा केंद्र असणार आहे. पर्यटकांसाठी ही विहिर आकर्षणाचे ठिकाण असणार आहे. या माध्यमातून प्राचीन जलव्यवस्थापन व प्राचीन बांधकाम याचे पुर्नजीवन करण्यात येणार आहे. हे संपुर्ण बांधकाम दगड व चुना या मध्ये करण्यात येणार आहे. चुन्याचे मिश्रण तयार करताना गुळाची काकवी, बेलफळाचा आर्क या शिवाय प्राचीन काळातील स्थापत्यकार ज्या प्रमाणे पाणी जमीनीत झिरपू नये म्हणून जलनिरोधन (वॉटरफ्रुफींग) करत होते ते तंत्र येथे वापरले जाणार आहे. प्राचीन स्थापत्य अभियांत्रिकीचा अर्वाचिन अविष्कार या निमित्ताने होणार आहे. या विहिरीत पावसाच्या पाण्याचे जतन करून परिसरातील पंधरा हजार रहिवाशांची पाण्याची गरज भागवली जाईल. याशिवाय भूजल पातळी वाढून संपूर्ण देहू गावाला त्याचा फायदा होणार आहे. स्टेपवेलच्या पहिल्या टप्प्याच्या कामाची पायाभरणी आज झाली. संपूर्णपणे दगडाने बनवलेली ही पायऱ्यांची विहीर पहिल्या टप्प्यात दहा मीटर खोल असेल आणि पुढील वर्षी जागतिक पर्यावरण दिनाच्या दिवशी तिचे उद्घाटन करण्यात येईल व दुसऱ्या टप्प्यात स्टेप वेल वीस मीटर खोल करण्यात येणार आहे. या विहिरीला हे संपुर्ण काम तीन वर्षात पुर्ण केले जाणार आहे. या परिसरात बांधकामासाठी पर्यावरण पूरक साहित्य वापरण्या व्यतिरिक्त बांधकामा नंतरच्या बाबींमध्ये नवीकरणीय ऊर्जा आणि पायऱ्यांच्या विहिरीतील पाण्याचा संपूर्ण वापर समाविष्ट केले जाणार आहे.
यावेळी श्री क्षेत्र देहू नगरपंचायतच्या नगराध्यक्षा पूजाताई दिवटे, मुख्याधिकारी निवेदिता घार्गे, नगरसेवक योगेश काळोखे, प्रवीण काळोखे, योगेश परंडवाल, मयूर शिवशरण, प्रा. संदीप भोसले, देहू राष्ट्रवादी काँग्रेसचे अध्यक्ष विवेक काळोखे तसेच इव्हो ग्रीनचे संदीप सोनिग्रा, आनंद छाजेड, सचिन कांकरिया, नितीन धोका, आदेश धोका, सागर भसे, शेखर शेलार तसेच सर्व संचालक, कर्मचारी वर्ग, विविध क्षेत्रातील मान्यवर व ग्रामस्थ उपस्थित होते.
