सिंहगड इन्स्टिट्यूट ऑफ टेक्नॉलॉजी लोणावळा येथील जयेश पवार यांची Google Student Ambassador म्हणून निवड

लोणावळा : सिंहगड इन्स्टिट्यूट ऑफ टेक्नॉलॉजी (SIT), लोणावळा येथील माहिती तंत्रज्ञान (Information Technology) विभागाचा विद्यार्थी जयेश पवार याची प्रतिष्ठित Google Student Ambassador (GSA) म्हणून निवड झाली आहे. या उल्लेखनीय यशामुळे संस्थेच्या शिरपेचात आणखी एक मानाचा तुरा रोवला गेला आहे.

      Google Student Ambassador हा विद्यार्थ्यांच्या नेतृत्वगुण, तांत्रिक कौशल्य, नवोपक्रम आणि समुदाय विकासाला प्रोत्साहन देणारा प्रतिष्ठित उपक्रम आहे. या माध्यमातून जयेश पवार यांना Google च्या विविध शैक्षणिक, तांत्रिक आणि विद्यार्थी-केंद्रित उपक्रमांचे प्रतिनिधित्व करण्याची तसेच विद्यार्थ्यांमध्ये डिजिटल तंत्रज्ञानाबाबत जागरूकता निर्माण करण्याची संधी मिळणार आहे.

      जयेश यांच्या या यशाबद्दल सिंहगड टेक्निकल एज्युकेशन सोसायटीचे संस्थापक अध्यक्ष प्रा. एम. एन. नवले, संस्थापक सचिव डॉ. सुनंदा नवले, उपाध्यक्ष डॉ. रोहित नवले आणि उपाध्यक्ष डॉ. रचना नवले-अष्टेकर यांच्या दूरदर्शी नेतृत्वाचे कौतुक करण्यात आले.

तसेच लोणावळा संकुलाचे संचालक डॉ. राजेंद्र लोखंडे, प्रभारी प्राचार्य डॉ. डी. एस. मंत्री, उपप्राचार्य डॉ. एस. एम. गायकवाड, विभागाचे विभागप्रमुख, सर्व प्राध्यापक, शिक्षकेतर कर्मचारी आणि विद्यार्थ्यांनी जयेश पवार यांचे मनःपूर्वक अभिनंदन करून त्यांच्या उज्ज्वल आणि यशस्वी भविष्यासाठी हार्दिक शुभेच्छा दिल्या.

      Google Student Ambassador म्हणून जयेश पवार यांची निवड ही SIT लोणावळ्यातील विद्यार्थ्यांच्या तांत्रिक गुणवत्ता, नेतृत्व क्षमता आणि जागतिक स्तरावरील संधींच्या दिशेने होत असलेल्या वाटचालीचे प्रेरणादायी उदाहरण ठरली आहे.