भीषण अपघात | खंडाळा बॅटरी हील समोर कंटेनर कारवर उलटला; दोघांचा जागीच मृत्यू तर 6 जण जखमी

लोणावळा : मुंबई पुणे जुन्या महामार्गावर खंडाळा बॅटरी हिल या ठिकाणी वळणावर सोमवारी रात्री साडेदहा वाजता एक भीषण अपघात झाला. तीव्र वळणावर मुंबईच्या दिशेने निघालेला कंटेनर हा पलटी होऊन पुण्याच्या दिशेने येणाऱ्या कारवर पडल्याने कार पूर्णपणे दबली गेली. यामध्ये दोन जणांचा जागीच मृत्यू झाला असून सहा जण जखमी झाले आहेत. जखमींपैकी चार जण हे तळेगाव दाभाडे येथील असून अन्य चार जण जळगाव येथील आहेत. अलिबाग वरून ते तळेगावच्या दिशेने येत असताना काळ बनून आलेला कंटेनर त्यांच्या गाडीवर पलटी झाला.     याप्रकरणी किशोर सोनवणे यांनी दिलेल्या फिर्यादीवरून अज्ञात कंटेनर चालकावर लोणावळा शहर पोलीस ठाण्यामध्ये भादवी कलम 304 (अ) 279, 337, 338 मोटार वाहन अधिनियम 184,134 ब प्रमाणे गुन्हा दाखल करण्यात आला होता.                                                    या भीषण अपघातात दत्तात्रय रामदास चौधरी (वय 55) व कवीता दत्तात्रय चौधरी (वय 46 वर्षे दोघेही रा. निमडाळे, जि. धुळे सध्या रा. देवकणपिंपरी, जि. जळगाव) यांचा मृत्यू झाला असून भुमीका दत्तात्रय चौधरी (वय 16 वर्षे), मितांश दत्तात्रय चौधरी (वय 9 वर्ष, दोघेही रा. निमडाळे, जि. धुळे सध्या रा. देवकणपिंपरी, जि. जळगाव), योगेश श्रीराम चौधरी (वय 40 वर्षे), जान्हवी योगेश चौधरी (वय 31 वर्षे), दिपांशा योगेश चौधरी (वय 9 वर्ष), जिगीशा योगेश चौधरी (वय 1.5 वर्षे चौघेही राहणार संस्कृती बिल्डींग राव कॉलनी तळेगाव, ता. मावळ) हे जखमी झाले आहेत.      लोणावळा शहर पोलिसांनी दिलेल्या माहितीनुसार सोमवारी (20 मे) रात्री साडेदहा वाजण्याच्या सुमारास मुंबईच्या दिशेने भरधाव वेगाने निघालेल्या कंटेनर (MH 14 FT 1445) वरील चालकाचा खंडाळा बॅटरी हिल येथील उतार व वळणावर गाडीवरील ताबा सुटल्याने सदरचा कंटेनर पुण्याच्या दिशेने येणारी कार (MH 14 BX 1605) वर पलटी झाला. हा अपघात एवढा भीषण होता की, यामध्ये कार कंटेनरच्या खाली पूर्णपणे दबली गेली. या अपघातात कारच्या चालकासह एका महिलेचा मृत्यू झाला तर गाडीमधील अन्य सहा जण जखमी झाले आहे. अपघातानंतर कंटेनर चालक हा घटनास्थळावरून पळून गेला आहे. अपघाताची माहिती समजल्यानंतर खोपोली येथील अपघातग्रस्तांच्या मदतीसाठी या सामाजिक संघटनेचे स्वयंसेवक, खंडाळा व बॅटरी हिल भागातील नागरिक, लोणावळा पोलीस, खंडाळा महामार्ग पोलीस यांनी घटनास्थळी धाव घेत क्रेनच्या व पुलरच्या सहाय्याने कंटेनर बाजूला करत त्याच्याखाली अडकलेली कार व कार मधील नागरिकांना बाहेर काढले. जखमींना उपचारासाठी खाजगी रुग्णालयांमध्ये दाखल करण्यात आले आहे.      या भीषण अपघाताच्या घटनेचा तपास लोणावळा शहर चे पोलीस निरीक्षक सुहास जगताप यांच्या मार्गदर्शनाखाली सहाय्यक पोलीस निरीक्षक राहुल लाड हे करत आहेत.

Lonavala News : वलवण बापदेव रोड वरील दुकानात महिलेच्या गळ्यातील मंगळसूत्र हिसकवण्याच्या प्रयत्न; घटना सीसीटिव्ही मध्ये कैद

Expressway Accident | मुंबई पुणे एक्सप्रेस वे वर तीन वाहनांचा भीषण अपघात; 3 जणांचा मृत्यू तर 8 जण जखमी

Maval News | वडगाव मावळ मधील गुटखा विक्रेत्यावर कारवाई; सुमारे दीड लाखांचा प्रतिबंधित गुटखा जप्त; दोघांविरोधात गुन्हा दाखल

HSC RESULT : मावळ तालुक्याचा बारावीचा निकाल 93.72 टक्के

लोणावळा : महाराष्ट्र राज्य माध्यमिक व उच्च माध्यमिक विभागाच्या वतीने घेण्यात फेब्रुवारी - मार्च 2024 रोजी आलेल्या बारावीच्या बोर्ड परीक्षेचा निकाल आज जाहीर झाला. यामध्ये मावळ तालुक्याचा बारावीचा निकाल 93.72 टक्के लागला आहे. मावळ तालुक्यातील 4065 विद्यार्थी बारावीच्या परीक्षेला बसले होते, त्यापैकी 3791 विद्यार्थी पास झाले आहेत. 299 विद्यार्थी डिस्टिंक्शन मध्ये आले असून 993 विद्यार्थी प्रथम क्षेणीत पास झाले आहेत.

Maval News | अवकाळी पाऊस व वादळ वाऱ्याने पॉली हाऊसचे होत्याचे नव्हते झाले; शेतकऱ्याचे मोठे नुकसान

वादळी वाऱ्यामुळे शिलाटणे गावात काही घरांचे पत्रे उडाले तर कार्ला गावात गाडीवर झाडाची फांदी पडली

मावळ लोकसभेसाठी 14 लाख 18 हजार मतदारांनी बजावला मतदानाचा हक्क; मावळात लाट कोणाची परिवर्तनाची की मोदींची

HSC RESULT : बारावीचा निकाल उद्या दुपारी ऑनलाईन जाहीर होणार

पुणे : महाराष्ट्र राज्य मंडळाचा बारावी परीक्षेचा निकाल उद्या मंगळवारी (21 मे) रोजी दुपारी 1 वाजता ऑनलाईन जाहीर होणार आहे. महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी- मार्च 2024 मध्ये घेण्यात आलेल्या उच्च व माध्यमिक प्रमाणपत्र (इयत्ता 12 वी) परीक्षेचा निकाल मंगळवार, दि. 21 मे रोजी दुपारी एक वाजता ऑनलाईन जाहीर होणार आहे अशी माहिती राज्य मंडळाच्या सचिव अनुराधा ओक यांनी दिली आहे. परीक्षा दिलेल्या राज्यातील सुमारे 15 लाख विद्यार्थ्यांना निकालाची उत्सुकता लागली आहे.या संकेतस्थळावर पाहता येतील गुणपत्रिकाविद्यार्थ्यांना दि. 21 रोजी मंगळवारी दुपारी 1 वाजल्यानंतर 1) mahresult.nic.in2) http://hscresult.mkcl.org 3) www.mahahsscboard.in4) https://results.digilocker.gov.in या संकेत स्थळांवर निकाल आणि गुण पाहता येतील आणि गुणपत्रिकेची प्रतही (प्रिंट आउट) घेता येईल.

संजोग वाघेरे यांची महाराष्ट्रातील जाहीर झालेली पहिली उमेदवारी आहे त्यांना प्रचंड मतांनी विजयी करत गद्दारांना घरी बसवा - उद्धव ठाकरे

Maval Loksabha Election | देशवासियांसमोर मोदींचा खोटेपणा उघडा पडलाय - ॲड. असीम सरोदे

Maval Loksabha Election | मावळ लोकसभा मतदार संघातील ज्येष्ठ, दिव्यांग नागरिक आणि मतदान कर्तव्यावरील कर्मचाऱ्यांच्या मतदानाचे वेळापत्रक जाहीर