Breaking news

द्रुतगती मार्गावर ट्रेलरवरील कागदाचे मोठे रिळ कारवर पडले; कारचा चक्काचूर तर एकाचा मृत्यू - घाटात वाहतूककोंडी

खोपोली : मुंबई पुणे द्रुतगती मार्गावर खंडाळा घाटातील खोपोली एक्झिट जवळ एका ट्रेलरवरील कागदांचे मोठे रिळ कारवर पडल्याने एकाचा जागीच मृत्यू झाला आहे. या भयानक घटनेनंतर मुंबईच्या दिशेना जाणारी वाहतूक विस्कळीत झाली असून वाहनांच्या लांबच लांब रांगा लागल्या आहेत. या अपघातात कारचा चक्काचूर झाला आहे.

     मिळालेल्या माहितीनुसार सकाळी साडेदहा च्या सुमारास नवी मुंबई येथील डॉक्टर आदित्य तंखीवले हे हुंडाई आयटेन या त्यांच्या कार ने पुण्याहून मुंबईकडे येत असताना एक्स्प्रेस हायवेवर किलोमीटर 40 या अंतरावर ते आले असता त्यांच्या समोर जात असलेला ट्रेलर ट्रक एका वळणावर कलांडला व पलटी झाला त्या ट्रेलर मध्ये कागदाचे भले मोठे रिम होते व ते रिम त्या ट्रेलर मधून सटकले त्यातील काही रिम मागून जात असलेल्या आदित्य तंखीवले यांच्या कार वर ही कोसळले.

    रिमचे वजन खूप असल्याने काही कळायच्या आत व सावरायच्या आत आदित्य यांची कार त्या रिमखाली दबली गेली व अक्षरशः चपटी झाली आणि त्यात आदित्यही दाबले गेले. अपघाताची माहिती मिळताच बोरघाट पोलीस, देवदूत यंत्रणा, अपघातग्रस्तानच्या मदतीला या संस्थेचे सदस्य घटनास्थळी पोहचले पण खूप वेळ गेला होता कार मध्ये आदित्य अडकून पडले होते. सर्व बचाव यंत्रणेने कार ला अक्षरश: फाडून आदित्य यांना बाहेर काढले पण त्यांचा जागीच मृत्यू झाला होता. या अपघातानंतर काही काळ वाहतूक विस्कळीत झाली होती.

इतर बातम्या